Son do Manuel Antonio

 A Biblio organizou polo 8 M un obradoiro de Lettering da man de Gabriela Pastoriza. Participou profesorado de distintas familias profesionales e máis o alumnado de 1º do CS Xestión de aloxamentos turísticos. Aquí unha mostriña do traballo feito.

A Biblioteca da man do seu voluntariado do 2º curso do CS de Axencias de viaxes e xestión de eventos, dos ciclos de ZM SERES, CS DIRSER e CM SERES, colaborou no XXVIII Campionato de Sumillería de Galicia convocado por AGASU.

A Biblio acolleu a os xogos e obradoiros da Festiña Queer organizada pola Comisión de Igualdade e polo alumnado voluntario da Biblio, concretamente polo grupo de 2º do CS Axencias de viaxes e xestión de eventos. Aquí tedes unha pequena mostra: Festiña Queer na Biblio

A Biblio prepárase para o Orgullo de Inverno: As nosas compañeiras Patri e Nuria, do equipo da Biblio, fixeron un traballo xenial coa "Escaleira do Orgullo". Patri e Nuria traballando no pegado do vinilo, non foi cousa doada... Aquí o resultado. A que quedou estupenda?

Chegou o Entroido no Manuel Antonio, organizado pola Biblio e máis EDLG . Rematamos con festa rachada: xincana, concurso de disfraces e petisco elaborado polos nosos compañeiros de Hostalaría. Grupo premiado na quenda da mañá: Coco Grupo premiado na quenda da tarde Ambos recibiron como premio unha invitación ao noso restaurante Manolo Blanco Os nosos compañeiros de hostalaría colaboraron cun estupendo petisco con elaboracións típicas destas datas

 Un ano máis convocamos en colaboración coa dinamización da lingua galega, o concurso de postais de Nadal. Animádevos a participar, a gañadora ou gañador levará una cesta gastro-cultural para disfrutar nas vacacións ademáis de ver a súa creación na felicitación do nadal do centro. A que esperades?!

 Xa temos algúns dos recomendados polos diferentes departamentos das familias profesionais.

 Xa tedes dispoñibles na biblio dúas novas incorporacións do xénero de terror: El Cuervo de E. A. Pou en versión ilustrada, unha obriña preciosa, e a Obra completa de H. P. Lovecraft, referente do xénero, divididas en catro volumes.

 Co motivo da celebración do 25 N aproveitamos para ampliar os fondos da biblioteca con exemplares relacionados coa violencia de xénero; obras que recomendamos ler e disfrutar, xa que aportan diferentes visións e fan reflexionar. Coma sempre, a literatura abre portas.