Son do Manuel Antonio

       Velaquí o resultado da investigación científica de Sheila Piedras e María Vázquez, alumnas do CS de Química e Saúde Ambiental coordenadas pola profesora Marta Rodríguez Quiroga, un bioplástico de úsos múltiples que lles valeu a medalla de bronce na edición de Galiciencia deste ano. Noraboa! Que nivelazo! O BIOPLÁSTICO DO CIFP MANUEL ANTONIO  

       O departamento de Industrias Alimentarias organizou no espazo de conferencias da Biblioteca esta actividade de información e concienciación en colaboración coa asociación AVEMPO (Asociación Viguesa de Esclerose Múltiple). Paralelamente, os ingresos íntegros do Punto de Venda dese día foron destinados ao Proxecto M1 de investigación sobre a esclerose múltiple. A actividade tivo lugar o día 25 de maio e tamén asistíu alumnado de Próteses.      

O día 12 de maio celebrouse na biblioteca a "Xornada Innova", na que o centro deu a coñecer os proxectos de innovación pedagóxica e tecnolóxica desenvolvidos no CIFP "Manuel Antonio".

   Dentro do programa de actividades da Biblioteca, que inclúe o Deseño dun cartaz pola alumna Aitiana Bao Rodríguez  ... unha exposición da Hª do Día das Letras a través de libros de tod@s @s premiad@s, xogos orixinais, online e físicos, deseñados pola biblioteca: QUERES SER MILLONARIO?   JEOPARDY DAS LETRAS GALEGAS   Hoxe sumamos unha lectura de poemas do autor homenaxeado, Florencio Delgado Gurriarán, a cargo da clase de 1º do CB de Tapizaría, coordenados pola profesora Marina Vicente.

A sección de Igualdade, das máis demandadas, enriqueceuse estes días con novos títulos. Velaquí algúns deles          

Xa están aquí!!  Os vídeos da espectacular Gala de Premios do 2º Concurso de Monólogos organizado pola Biblioteca do CIFP Manuel Antonio. Noraboa ás premiadas e premiados e agradecemento sen límites para o grupo de 1º do C.S. de Axencias de Viaxes e Xestión de Eventos, esta é a súa Gala e deixan o listón polas nubes. Grazas tamén aos artistas participantes de 1º CS de Guías e 1º CB de Tapizaría, ademais da colaboración especial de Grace Maloney. Así dá gusto. A Gala completa vai en varios vídeos.  

  A 2ª Edición do Concurso de Monólogos non se podía culminar de maneira máis brillante que coa espectacular Gala de Premios organizada polo CS de AVXE, cunhas actuacións musicais e dramáticas que superaron as do ano anterior. O ano que vén máis!! Noraboa á gañadora deste ano, Diana Buceta, así como ao 2º clasificado, Adrián Amoedo, e o 3º, Román Bugarín, noraboa extendida ao resto dos participantes.  Podedes ver algunhas das fotografías do evento. En breve subiremos ao o vídeo a este blog.